අසමත් රාජ්යයක out of Focus ජීවිතයක්- සූස්ති
හිතට එකගව ජීවත් වීමට නොහැකිව සියදිවි නසා ගැන්මට උත්සාහ කරන සූසා නම් තරුණියකගේ ජීවිතේ අවසන් තත්පරය තුළ ඇති සිතුවිල්ල සිනමාපටයක් ලෙස නිර්මාණය වූ මොහොතකි සූස්ති. කළණ ගුණසේකරගේ තිර රචනයෙන්, යූ. ඒ. පල්ලියගුරුගේ නිෂ්පාදනයෙන්, කුෂාන් වීරරත්න අධ්යක්ෂණය කරන සූස්ති, චින්තක සෝමකීර්තිගේ කැමරා අධ්යක්ෂණයෙන්, චිමන්ත මහානාමගේ සංස්කරණයෙන් නිම වේ. කළණ ගුණසේකර, සමනලී ෆොන්සේකා, ඩබ්ලිව් ජයසිරි, මොරීන් චාරුනී හා දිෂ්නි උමංගි රාජපක්ෂගේ විශිෂ්ඨ රංගන දායකත්වයෙන් සූස්ති හැඩගැන්වේ. කොළඹට ආසන්න ගොඩනැගිල්ලක් මතින් පහළට පැන සියදිවි නසා ගැනිමට සැරසෙන සූසා නම් තරුණියකගේ පසුපස රූපයකින් සිනමාපටය ආරම්භ වේ. නමුත් පැනීමට සැරසෙන අවසාන මොහොතේ එතැනට පැමිණෙන්නේ තරුණයෙකි. ඇගේ ක්රියාව නතර කරන්නේ ඔහුගේ වචන කිහිපයකි. ‘‘අන්තිම තත්පරේ හිත ගැස්සෙනවා. තත්පරේක ප්රශ්නයක් තියෙන්නෙ.’’ ඔහු ද සියදිවි නසා ගැනීමට උත්සාහ කර ඇත. ඔහුගේ ඉල්ලීම, හතර දිග්භාගෙ ගිහින් ඇවිත් මිය යාමයි. ‘‘හැබැයි එක පොරොන්දුවක්. මැරෙන්නම ඕන.’’ තරුණයාගේ ඉල්ලීම මත, දින හයක් රට වටේ ඇවිද නැවත කොළඹට පැමිණ සියදිවි නසා ගැනීමට ඇය එකග වේ. සූසා පවතින...
